لا مش انا اللي ابكي بصوت عادل مأمون
لا مش انا اللي ابكي .. ولا انا اللي اشكي لو جار عليا هواك
ومش انا اللي اجري واقول عشان خاطري .. وانا ليا حق معاك
تبقى انت هاجرني وانت اللى ظالمني .. وفاكرني ح ترجاك
انا قلتها كلمة وكل شيء قسمه .. ودي قسمتي وياااك
وكفاية قلبي انشغل على قلب خان الامل
وعايزني ارجع تاني لا .. ارجعلك تاني لا .. لا لا لا
من كام سنة لما دار الهوي بينا.. فاكر احنا قلنا ايه
مش دي راحة قلبي ولا ده امل حبي اللى اتفقنا عليه
إشمعنى انا عهدك, صنته ورعيت ودك ... والعمر دار حواليه
لكن اللي بيحبك مالوش ثمن عندك, والغالي يرخص ليه
انا راح زمانى هدر .. ولا كانش عندك خبر
وعايزني ارجع تاني لا... ارجعلك تاني لا... لا لا لا
انا مش بعاتبك دلوقتي .. انا بدي اقول .. ليه ده يحصل
علشان نهايتك ونهايتي .. كان يجري ايه لو كانت افضل
ما قدرتش تعرفني .. وماعرفتش تفهمني
وعشان ايه ما عرفتش ده ذنبك مش ذنبي
وعايزني ارجع تاني لا... ارجعلك تاني لا ... لا لا لا
كلمات: حسين السيد
ألحان: محمد عبد الوهاب
