اروح لمين - ام كلثوم
أروح لمين واقول يا مين ينصفني منك
ما هو انت فرحي وانت جرحي وكله منك
اروح لمين
اروح لمين
كلمة ونظرة عين والقسمة وياهم
جمعوا سوا قلبين والحب مناهم
وبين ليالي المنى خذني الهوى وياه
وكان وصالك هنا وكنت بتمناه
وكان وصالك هنا وكنت بتمناه
وبعد حبي شغلت قلبي وقسيت عليه
وكان منايا يدوم هنايا، ما دمش ليه
وكان منايا يدوم هنايا، ما دمش ليه
لوعني حبك واليوم فى بعدك بيفوت سنين
و أروح لمين و أقول يا مين ينصفنى منك
و أروح لمين و أقول يا مين ينصفنى منك
يطول بعدك واعيش بعدك على شوقي وأشجاني
ما بين ماضي ما هوش راضي ينسيني وينساني وينساك
وبين حاضر ما هوش قادر يسلني فى حرماني
وأبات انعي أنا ودمعي
واخبي دمع العين واداري من اللايمين
واخبي دمع العين واداري من اللايمين
لا يلمحواعينيا ويشمتوا فيا
ولحد امتى حتبقى انت والشمتانين
أروح لمين
أروح لمين
أروح لمين ومين ح يرحم قسايا
واقول يا مين ومين ح يسمع ندايا
واقول يا مين ومين ح يسمع ندايا
طول ما انت غايب ما ليش حبايب فى الدنيا ديا
والفكر سارح والهجر جارح يا نور عينيا
شوف دمعي جاري سهران فى ناري
ولا انت داري بالسهرانين
ولا انت داري بالسهرانين
أروح لمين
كلمات: عبدالمنعم السباعي
ألحان: رياض السنباطى