يا قلبي يا مجروح - فريد الاطرش

يا قلبى يا مجروح
اصبر على المقسوم

باب الســــما مفتوح
لدعوة الـمــــظلوم

أيام تجري بربيع عمري
وشكوى قلبى إليك ياربى
في القلب نار وجراح
صـابــر عليها ازاي

ابكي على اللي راح
والا على اللي جاي

كُنا الهوى كُنا الاحباب كُنا الحياه

بخداع الهنا بخداع كداب وجريت وراه

ولمين ابكي .. ولمين احكي

وشكوى قلبى إليك يا ربي

تعالى تعالى

تعالى نحيي احـــلامنا
تعال اعطف على جروحي

ده لســـه العمر قدامنا
تـعـال بتناديك روحــي

يا دنيا بدموع عينيا
كتبتي قســمتي فيكي يا دنيا
بــدم قلبي الجريح
الـحــنا فى ايــديك

يا دنيا إيه لسه عندك كمان
هاتي اللي يرضيكي

تــعـــالى يـا حياة قلبي
نجـدد حــبنــا الـغــالي

لا كان ذنبك ولا ذنبي جرالك زي ما جرالي

وجراح طالت .. ودموع سالت

وشكوى قلبي إليك يا ربي

كلمات: مأمون الشناوي

ألحان: فريد الأطرش

اغاني زمان