الحلو ليه تقلان اوي - صباح

الحلو ليه تقلان اوي

باين عليه زعلان اوي

تتقل اوي .. تزعل اوي
انا قلبي بيحبك اوي

يا سيدي رق .. يا روحي ميل
يا حبيبي ميصحش كده

خلاص عرفنا انك تقيل .. ولحد امتى التقل ده

مش انت بس اللى جميل
ما احنا كمان حلوين اوي

تتقل اوي .. تزعل اوي
انا قلبي بيحبك اوي

هو الغرام .. عندك حرام .. مع أنه بهجة دنيتك

ولا احنا مش اد المقام .. ولا نستاهلش محبتك

ان كنت خايف من الملام .. متخفش واطمن اوي

تتقل اوي .. تزعل اوي .. انا قلبي بيحبك اوي ..

لوعت قلبي بس ليه .. ده انا عمر قلبي ما لوعك

هو الدلال .. ينفع بايه .. يا حبيبي خليه ينفعك

والحب روح اسأل عليه .. ده حلو وكويس اوي

تتقل اوي .. تزعل اوي .. انا قلبي بيحبك اوي

كلمات: فتحي قوره

ألحان: محمد الموجي