قلبي سعيد وياك يا حياتي - وردة الجزائرية

قلبي سعيد وياك يا حياتي .. وياك يا حياتي قلبي سعيد

فرحان فرحة قلب اتهنى .. أيوة اتهنى بيوم العيد

حبك خلى الكون في عينيا .. أجمل عالم من حوليا

كله جديد في جديد .. ياحياتي آه ياحياتي

اول مرة أشوف الدنيا .. دنيا كبيرة ومش سايعاني

أول مرة ألاقي لعمري .. طعم ومعنى جميل إنساني

أول مرة لما أجي أتكلم .. ألقى كلامي كأنه أغاني

أول مرة أحس بأني .. بعد الحب بقيت شيء ثاني

عندي شعور وردة بترقص في الأغصان

حاسة بنشوة عصفور غنى له الكروان

آه لو تعرف بس يا غالي .. إنت بقيت إيه بالنسبة لي

روحي .. عقلي .. قلبي .. أملي

إنت المنى من غير تحديد .. حبك خلى الكون في عينيا

أجمل عالم من حواليا .. كله جديد في جديد يا حياتي

حبك جاني في وقته ياروحي .. جاني في وقته في وقته تمام

جاني ملاني سعادة ماشوفتش .. زيها كده ولا في الأحلام

من يتصور إن هنايا فوق الوصف بأحلى معاني

ولا يصدق لما أقول له إن زماني سمح واداني

للدرجة دي هواك غيرني .. للدرجة دي الهوى خلاني

روح شفافة ناعمة وراضية .. ملهاش غير الحب أماني

آآآآآآهـ ياعيني ..

عايزة الحب لكل العالم .. ويهنيه زي ما هناني

كل الناس سوا يبقوا حبايب .. ولا فيش حد يعيش وحداني

يفضل نور الحب علينا ليل ونهار

هنا وزهور يزودونا مودة باستمرار

آه لو تعرف بس يا غالي .. إنت بقيت إيه بالنسبة لي

روحي .. عقلي .. قلبي .. أملي

إنت المنى من غير تحديد .. حبك خلى الكون في عنيا

أجمل عالم من حواليا .. كله جديد في جديد يا حياتي

كلمات: عبد الوهاب محمد
الحان: سيد مكاوي