سلمولي على مصر - صباح
سلمولي على مصر سلمولي .. سلمولى ع الحبايب وابعتولي
سلام امانه والنبى سلام امانه .. والشوق امانه والنبى الشوق امانه
سلمولي ع الحبايب وابعتولي .. سلمولي على مصر سلمولي
وأمانة لما تفوتوا من جنب الحسين
تجيبولي شوية من النور اللي على الصفين
خان الخليلى على يمينكم هداياه وحشانى
تبقوا تجبولى توت عنخ المنقوش فى صوانى
وابقوا افتكرونى من الصاغة باسورة لولى
سلمولى على مصر سلمولى
سلمولى ع الشوارع .. سلمولى عل الكبارى
والسما والبدر طالع .. والهوا ساعة العصاري
سلمولى ع الحبايب اللي فاكر واللي ناسى
وان لقيتوا حد غايب ابعتولوا مية تماسى
رشوا دموعي وضحكتي واجمل سلامي
على كل حته شاركتني اسعد ايامي
من يوم ما مشيت اول خطوه وفردت طولي
سلمولي على مصر سلمولى .. سلمولي ع الحبايب وابعتولي
كلمات: حسين السيد
الحان: محمد الموجي
