للصبر حدود - ام كلثوم
ماتصبرنيش بوعود .. وكلام معسول وعهود
انا ياما صبرت زمان .. على نار وعذاب وهوان
و اهي غلطة .. ومش حتعود ولو ان الشوق موجود
وحنيني اليك موجود .. انما للصبر حدود ... يا حبيبي
صبرني الحب كتير .. وداريت فى القلب كتير
ورضيت عن ظلمك لكن كل ده كان له تأثير
والقرب قساه وراني .. البعد ارحم بكتير
ولقيتني وانا بهواك .. خلصت الصبر معاك
وبأملي بعيش ولو انه .. ضيعلي سنين فى هواك
واهي غلطه .. ومش حتعود !!
اكتر من مره عاتبتك .. واديت لك وقت تفكر
كان قلبي كبير بيسامحك .. انما كان غدرك اكبر
اكبر من طيبة قلبي .. اكبر من طولة بالي
اكبر من قوة حبي .. مع كل الماضي الغالي
ولقيتني وانا بهواك .. خلصت الصبر معاك
وبأملي بعيش ولو انه .. ضيعلي سنين فى هواك
و أهي غلطة .. ومش حتعود
ما تصبرنيش ما خلاص .. انا فاض بيا ومليت
بينلي انت الاخلاص .. وانا اضحي مهما قاسيت
دا ما فيش فى الدنيا غرام .. بيعيش كده ع الأوهام
والحب الصادق عمره .. عمره مايحتاج لكلام
ولقيتني وانا بهواك .. خلصت الصبر معاك
وباملي بعيش ولو انه .. ضيعلي سنين فى هواك
واهي غلطه .. ومش حتعود
ولو ان الشوق موجود .. وحنيني اليك موجود
انما للصبر حدود .. يا حبيبي !!
كلمات: عبد الوهاب محمد
الحان: محمد الموجى
