الزهور زي الستات - محمد فوزي

الورد له في روايحه لغات 
تجمع بين النار والجنة 

حاكم الزهور زي الستات 
لكل لون معنى ومغنى

ده لكل لون معنى ولكل لون مغنى
لكل لون معنى ومغنى

احب زهر البنفسج .. رمز الجمال الحزين 

عبيره يفرح و يبهج .. و يسعد المحرومين

احب ريحته ولونه 
واجعل هداوته وسكونه .. هدية للي يصونه

ما تهادي بيه غير الجملات 
اللي العيون بيها تتهنا

حاكم الزهور زي الستات 
لكل لون معنى ومغنى 

ده لكل لون معنى ولكل لون مغنى
لكل لون معنى ومغنى

اه من القرنفل .. دا ريحته تشغل 
ساحر و يسحر .. قاتل ويقتل 

يجعل حبيبك هواه مشعلل 
ويكيد عازولك ويبات مفلفل

شقي وشقاوته سبب غلاوته 
وادي حلاوته

ياللي تحب الحلويات 
شوف القرنفل واتمنى

حاكم الزهور زي الستات 
لكل لون معنى ومغنى

ده لكل لون معنى ولكل لون مغنى
ده لكل لون معنى ومغنى

اجمل هدية اقدمها لبنات بلدي 

اقطفها من جنتك يا ورد يا بلدي

احمر فى يوم حرقتى 
ابيض فى يوم سعدي
 اصفر من الغيرة عاللي سبب وعدي

قبل الميلاد بيسقوا الشربات 
يقدموك ليلة الحنة

حاكم الزهور زي الستات 
لكل لون معنى ومغنى 

ده لكل لون معنى ولكل لون مغنى
لكل لون معنى ومغنى

صورة محمد فوزي

كلمات: صالح جودت

الحان: محمد فوزي