تفرق كتير - نجاة الصغيرة
تفرق كتير .. أحبك الحب الكبير
بشكل لسه مالوش نظير .. أحبك الحب الكبير
وتحبني كدة حب عادي زي حالة ناس كتير
تفرق كتير يا حبيبى .. لا يا حبيبى لا.. تفرق كتير
فرق السما في بعدها من الارض
الحب فوق كل ده يتحس
ما بينا احنا الاتنين بس
ما بينا احنا الاتنين بس
والنية والاحساس الاتنين
مش راح اشوفهم أنا بالعين
مش راح اشوفهم أنا بالعين
لكني حالمسهم بالروح
و احس بيهم امتى وفين
و احس بيهم امتى وفين
ما أقدرش أقولك عايزة ايه ويرضيني ايه
الحب ما يجيش بالكلام
ولا بالسكوت وازاي وليه
ولا بالسكوت وازاي وليه
حتى وأنا معاك والايد في الايد
ايه معنى لقاك وشعورنا بعيد
لا .. ما تحبنيش كده حب عادى
زي حالة ناس كتير
زي حالة ناس كتير
تفرق كتير يا حبيبى
لايا حبيبي لا تفرق كتير
لايا حبيبي لا تفرق كتير
نفسي ومنايا بكون هواك
زي الزهور من غير اشواك
زي الزهور من غير اشواك
نفسي ومنايا تفرح معايا .. بكل ثانية
ويكون هوانا مش بس نادر .. لا حاجة تانيه
ما تحبنيش كدة حب عادي
زي حالة ناس كتير
تفرق كتير يا حبيبي
لا يا حبيبى لا .. تفرق كتير
لا يا حبيبى لا .. تفرق كتير
عندي في حبك آمال لو كنت تحييها
تلقى الخيال والمحال أتحققوا فيها
وتكون حياتنا سوا .. اجمل واحلى سوا
من الدنيا وما فيها
من الدنيا وما فيها
ما تحبنيش كدة حب عادي
زي حالة ناس كتير
تفرق كتير ياحبيبى
لا ياحبيبى لا .. تفرق كتير
لا ياحبيبى لا .. تفرق كتير
كلمات : عبد الوهاب محمد
ألحان : سيد مكاوي