قولي بحبك قولي - محرم فؤاد
قولي بحبك قوللي .. عايز أسمعها تملي
بتجدد أحلامي وترجع أيامي
وبحس إني بقرب منك
لما تقولي بحبك .. قول قول
قوللي بحبك قوللي
زي الندى .. زى الندى ما بينزل عالغصن ويسقيه
الكلمة دي بتنزل ع القلب تصحيه
وتجددله شبابه طول ما هي عايشه فيه .. عايشه فيه
يبقى الفكرغالبني .. والهجر مغلبني
على أمل إنك بكره حتيجى .. برضه تقوللي بحبك
قول قول .. قوللي بحبك قوللي
مش بطلبها منك صدقة أو إحسان
زي أنا ما بقولها .. قولها إنت كمان
زي ما كنت بتعرف تيجى تقولها زمان
وأظن إنت فاهمنى .. وفاهم إيه بيألمنى
حتى يوم ما تخاصم إبعت مره وقوللي بحبك
قول قول .. قوللي بحبك قوللي
عايز أسمعها تملي
قوللي بحبك قوللي .. عايز أسمعها تملي
بتجدد أحلامى , وترجع أيامى
بتجدد أحلامى , وترجع أيامى
وبحس إنى بقرب منك لما تقوللي بحبك
قول قول .. قوللي بحبك قوللي
كلمات: حسين السيد
الحان: محرم فؤاد