انا عايزة معجزة - وردة الجزائرية
مين داه الي ياخذني منك .. وللا يبعدني عنك
مين هو مين .. مين بس مين
داه هواك يا نور عيني وعد ومكتوب عليا
ومسطر ع الجبين .. اه يا عيني
والناس مستغربين على آيه مستغربين
حالة فيها استحالة ما تفسرهاش ايوالة
لاشكوى ولا أنين
أنا عايزة معجزة تنجدني من الحنين
وأكبر من السنين وأكبر منّي ومنك والعالم أجمعين
ياااه كل المنى ياروحي أنا
أنا كنت فاكرة بعدي ح يخفف نار عواطفي
وإلا الزمن ح يمحي اسمك من بين شفايفي
وأتاري البعد عنك,,خلاني حِتة منك
والناس مستغربين على آيه مستغربين؟
داه هواك في قلبي ولا شيء بيغيره
لا الهجرة ولا السفر ولا تلوين السهر ولا تغيير الهوى
ولا حب أتصوره
لاهي الحكاية بعدك ولا هي الحكاية قربك
أنا في الحالتين بحبكــ وبدوب لهفة وحنين
أنا بتحدى الوجود كل اللي في الوجود
ان يقيموا في خيالي بيني وبينك حدود
والناس مستغربين على آيه مستغربين؟
ايه بعد الحب مانحنا منه ياناس وإليه
داه مافيش في الدنيا حاجة ممكن تقدر عليه
مين يقدر عليه؟
مين,,, مين قلبه في ايديه مين داه هو قولي لي عليه؟
داه مافيش في الدنيا عاشق غير بخته بإيديه
ومين بخته بإيديه
وأنا وأنت
وانا وأنت حكاية حلوة للقسمة والنصيب
مافيهاش جديد ياروحي ولا فيها شيء عجيب
بس الحب الحقيقي الأيام دي شيء غريب
والناس مستغربين على آيه مستغربين؟
داه هواك في قلبي ولا شيء بيغيره
لا الهجرة ولا السفر ولا تلوين السهر
ولا تغيير الهوى ولا حب أتصوره
حالة فيها حالة استحالة ماتفسرهاش ايوالة
ولاشكوى ولا آهات
أنا عايزة معجزة تنجدني من اللي فات
أنا عايزة معجزة تمحي لي الذكريات
ونحن في زمان ياعالم مافيش فيه معجزات
كلمات: عبد الوهاب محمد
ألحان: بليغ حمدي