حاجة غريبة - شادية وعبد الحليم حافظ
حاجة غريبة حاجة غريبة .. الدنيا لها طعم جديد
حاجة غريبة حاجة غريبة .. أنا حاسس ان ده يوم عيد
شادية: وأنا حاسة الدنيا هربانة ويانا فى ليل كله سعادة
ليها فرحة حلوة فى عينيا و حلاوتها سكرها زيادة
انتَ عارف ليه؟
حليم: قولي لي انت ليه!
شادية: علشان احنا مع بعضينا .. و لأول مرة لوحدينا
و لاحدش بيبص علينا .. غير فرحة قلبنا و عنينا
حليم: حاجة غريبة .. حاجة غريبة
الليل ده كله كان امبارح .. بيزيدني حرمان و أسية
اتغير ليه...اتغير ليه .. حتى سواده ضي حنيّن فى عينيا
شادية: والنجمة دي أنا عارفاها .. و تملي بأرقص وياها
بس الليل بتلمع أكتر بتندهلي و أنا سامعاها
اهي بتشاور بتشاور .. اهي بتقرب بتقرب
أنا دلوقتي ماشية معاها .. حاجة غريبة حاجة غريبة
انتَ كمان انا شايفاك ماشي و ياها
حليم: انتِ عارفة ليه؟
شادية: قوللي انتَ ليه!
حليم:علشان احنا مع بعضينا .. و لأول مرة لوحدينا
و لاحدش بيبص علينا .. غير فرحة قلبنا و عنينا
حاجة غريبة !
شادية: حاجة غريبة .. حاجة غريبة
السما بتغني انت سامعها؟
حليم: أيوه سامعها...بتغني مع فرحة حبي
شادية: والموجة اللى هناك دي بترقص؟
حليم: أيوه شايفها
شادية: دي بترقص على دقة قلبي
انتَ شايف؟ انت سامع؟ انت حااااااااااسس؟
حليم: احساس غريب قبل النهار ده ما جربتوش
شادية: و شعور جميل عمري فى حياتي ما عرفتوش
ايه اللى جرى لنا احنا بنحلم و لا بنحلم؟!
كلمني و قول!
حليم: لو كان ده حلم يا ريته يطول .. علشان نفضل نحلم كده علطول
شادية: والدنيا تفضل هربانة .. ويانا فى ليل كله سعادة
ليها فرحة حلوة فى عينيا .. و حلاوتها سكرها زيادة
شادية: انتَ عارف ليه؟
حليم: أيوه عارف ليه!
شادية و حليم بصوت واحد: علشان احنا مع بعضينا
و لأول مرة لوحدينا .. و لاحدش بيبص علينا
غير فرحة قلبنا و عنينا .. حاجة غريبة !
كلمات الشاعر: حسين السيد
الحان الموسيقار: منير مراد