خد قلبي وراح - عبد الحليم حافظ
راح .. خـــد قلبــي وراح .. خـد أملـــي وراح
خد نــــور أحـلامـــي
خد من أيامي .. كل الأفراح .. وراح
خد من أيامي .. كل الأفراح .. وراح
حبيبي .. قصــــدي الـلي كان حبيبـي
وكل حاجة في الدنيـا حـبـه
حبيبي .. أيام ما كان حـبيبـي
وانام احبه واقوم احـبه
وانام احبه واقوم احـبه
ما كانش يفرحني إلا فرحـه
ما كانش يجرحنــــــي إلا جرحــه
ما كانش يجرحنــــــي إلا جرحــه
وياما ياما سهـــــــــــرت ليالــــــي
وهو شــاغل كل خيالي
وهو شــاغل كل خيالي
والحب والأحلام الحلوة
خلوا الفراق ما خطرش في بالي
خلوا الفراق ما خطرش في بالي
واهو فاتني وراح .. خـد أملي وراح
خد نور أحـلامي خد من أيـامـي كل الأفراح وراح
راح ..... راح ..... راح
من دمعة ندم .. من حرقة الم
من صرخة جريح .. من قلب انظلم
بعتب على اللي خان .. بعتب عليك يا زمان
قربتني من الجنة وخدتني للحب
ولما جيت اتهنى جرحتني فى القلب
وبدال ما اغني للأفراح
واقول ده قلبي خلاص ارتاح
واقول ده قلبي خلاص ارتاح
بصيت لقيتني لوحدي غريب
بقول ياليل انا كان ليا حبيب
بقول ياليل انا كان ليا حبيب
خد قلبي وراح .. خـد أملي وراح
خد نـور أحـلامي خد من أيامي
كل الأفـراح وراح
كل الأفـراح وراح
راح ..... راح ..... راح
كلمات: مرسي جميل عزيز
ألحان: كمال الطويل