تعالي اقولك - شادية وعبد الحليم حافظ

تعالي اقولك .. وحتقول أيه
لازم اقولك .. وساكت ليه
حاسأل سؤال وتردي عليه



انا وانتي قاعدين فى جنينه .. والورد بيسمي علينا
والنسمه ترقص حوالينا .. يبقوا اللى زيي وزيك إيه 
انا ما اعرفشي .. لكن انا عارف
ومادام عرفت بتسأل ليه 

تعالى اقولك .. وحتقولي أيه
لازم اقولك .. وساكتة ليه
حاسأل سؤال وترد عليه

إيديا لما تكون فى إيديك .. وعينيّا لما تناجي عينيك
وقلبي لو يسألني عليك .. يبقى اللى بيني وبينك إيه 
انا ما اعرفشي .. لكن انا عارفة
ومادام عرفتي بتسألي ليه 

تعالي اقولك .. وحتقول أيه
لازم اقولك .. وساكت ليه
حاسأل سؤال وتردي عليه 

الدنيا ليه مش سيعاني .. وفي عيني حلوه وعجباني
ولما نتفرق تاني عن بعضنا بنحس بإيه
انا ما اعرفشي .. لكن انا عارف
ومادام عرفت بتسأل ليه 

تعالي اقولك .. وحتقولي إيه
لازم اقولك .. وساكتة ليه
حاسأل سؤال وترد عليه

ليه لما اشوفك ويايا .. انال من الدنيا منايا
ولما ما تكونش معايا .. افضل افكر اعمل إيه
ايوه انا عارف .. برضه انا عارفه
دا يبقى اسمه : الـ ح والـ ب

تعالي اقولك .. وحتقول أيه
لازم اقولك .. وساكت ليه
خلاص ماقلنا لبعض عليه



كلمات: فتحى قوره
ألحان: منير مراد