يا حبيبي واحشني - فايزة احمد
يا حبيبي واحشني
وروحي فيك وبقالي زمان
يا حبيبي واحشني
وراضية بيك توحشني كمان
قلبي اللي انت ظالمني وظالمه وفاكره ناسيك
بكرة حتعرف ان كان بايعك ولا شاريك
وان كان جارحك ولا جارحني عشان يداويك
خاصمني واقسى وزيد لهيبي
بس اوعك تنسى انك حبيبي
وروحي فيك وبقالي زمان
وراضية بيك توحشني كمان
يا حبيبي واحشني .. يااااا حبيبي
والله ان كان بإيديا ما فوتك غمضت عين .. والله
دا انت حياتي وروحي واغلى من الاتنين .. والله
ده انت الدنيا بحالها وافوتك حروح على فين .. على فين
وروحي فيك وبقالي زمان
وراضية بيك توحشني كمان
يا حبيبي واحشني .. يااااا حبيبي
كلمات: مرسي جميل عزيز
الحان: محمد الموجي