اعلان

طير بينا يا قلبي - محمد فوزي


طير بينا يا قلبي ولا تقوليش السكة منين
ده حبيبي معايا ما تسألنيش رايحين على فين 


الورد من يوم وحدتي خاصم حبايبه كلهم
خاف من نصيبي وقسمتي ليكون نصيبي زيهم
دلوقتي ح نروحله سوا ونصالحه ع النور والهوا
طايرين على جناح الهنا .. وانت الحبيب والروح انا
طير بينا يا قلبي ولا تقوليش السكة منين
ده حبيبي معايا ما تسألنيش رايحين على فين 

روحي اللي تايهة شوفتها اجري يا دنيا وقربي
قابلتها .. كلمتها من كان يصدق والنبي 
من يوم ورايح حبنا .. عمره ما حيغيب عننا 
ومن النهارده لمية سنة .. انت الحبيب والروح انا 
طير بينا يا قلبي ولا تقوليش السكة منين
ده حبيبي معايا ما تسألنيش رايحين على فين 


كلمات: الشاعر حسن السيد
ألحان: محمد فوزي

Share this

شاركشارك