فين قلبي يا ناس - محمد فوزي

فين قلبي .. فين قلبي يا ناس

دلوني دلوني دلوني عليه

تاه مني .. تاه مني خلاص

وازاي ازاي ازاي الاقيه

فين قلبي يا ناس دلوني عليه

من يوم ما عيونها سحرتني
وجفونها النايمة اسرتني

حسيت بالقلب الى فايتني
خد عقلى معاه وشرد مني

دورت ما بين سحر جفونها
قالوا دا هربان جوا وعيونها

وعيونها دى بحر اتوه انا فيه
فين قلبي يا ناس دلوني عليه

انا شوفت قوامها بيتمايل
سكران بجماله ودلاله

قلت دا قلبي في هواه مايل
وان كان كده يبقى هنياله

حبيت اطمن واسألها
عن قلبي ضحكت قلتلها

ده شربني الكاس وانتي سقتيه
فين قلبي يا ناس دلوني عليه

رحت اسأل عن شفايفها
قالوا مخبى فى ورد الخدين

قربت لشفايفها اقطفها
منعتني بنظرة سهام العين

خلتني احتار .. ما بين نارين
نار شفايفها و نار الخدين

و القلب لهيب الهوى يكويه
فين قلبي يا ناس دلوني عليه

كلمات: عبد العزيز سلام
الحان: محمد فوزي

اغاني زمان