اه من الزمان والهوى - عبد الغني السيد
آه من الزمان والهوى .. لما يعادوني
ووقعت بين ده وده .. و الحب و عيوني
آ ه من الزمان والهوى آه
حكم عليا الزمان .. احبابي ينسوني
وبعد كاس الحنان .. المر يسقوني
احترت مين اللي خان .. وخلى قلبي انكوى
وان قلت حكم الزمان .. يقولوا طبع الهوى
ما اعرفش مين السبب .. و ياما شفت العجب
آ ه من الزمان وآ ه من الزمان والهوى آه
بدمع عيني انكتب حظي على جبيني
و اخاف تبان الدموع تشمت عدويني
راضي بنصيبي اللي كان والصبر احسن دوا
يمكن حبيبي الزمان يجيبه تاني الهوى
واديني بين ده وده حاط عمري كده
وآ ه من الزمان آه الزمان
والهوى آآآآآه
كلمات ابراهيم كامل رفعت
الحان محمد عبد الوهاب