حنين - وردة الجزائرية



آه يا ناعسة و خبرينى يا بوي  اللي غربنا مين 
 و اللي توهنا مين .. عنك طول السنين يا عيني



حنين .. حنين .. حنين .. انا دايبة فيك حنين
و الغربة توهتني لكن ما غربتني .. عنك طول السنين
شايلاك فى نن عيني ياعينى .. و اللي بينك و بيني
أشواق كل الأحبه .. و حنين المحرومين .. ياعيني
و حنين المحرومين .. آه يانا من الحنين

لو حد ينسى روحه أنا كنت نسيت هواك
لو قلب بينسى حبه انسى الحياة معاك
يا زمانى و الأمانى .. آه ياللي مالكني تاني
ويا حبى الأولانى ..
شايلاك فى نن عيني ياعينى .. و اللى بينك و بينى
أشواق كل الاحبه و حنين المحرومين .. يا عيني
و حنين المحرومين .. آه يانا من الحنين

 يا اعز واغلى حب لفيت الدنيا بعدك .. مالقتش فيها قلب
 يا كل ما بتمنى الجنة نار في بعدك .. والنار في قربك جنة
 يا اعز واغلى حب .. انا منك وانت مني
توهني البعد عنك .. آه من غيرك ابقى مين ..
شايلاك فى نن عيني ياعينى .. و اللى بينك و بينى
أشواق كل حبه أنا .. و حنين المحرومين .. ياعيني
و حنين المحرومين .. آه يانا من الحنين

كلمات: عبد الوهاب محمد
ألحان: بليغ حمدي