اصالحك بايه - شادية - أغاني زمان

اصالحك بايه - شادية



واحشني .. والله واحشني و مين يقولك مين 
 ده اليوم ف بعدك سنة وياعيني ع الصابرين 



ما بتسألش ليه .. زعلان ولا ايه 
نتعاتب .. عاتبني .. نتحاسب .. حاسبني 
وان كنت مخاصمني تعالى .. تعالى وقولي تعالى تعالى
وقولي .. أصالحك بإيه 

ف عيون الناس الفرحانة .. بلمح صورتك 
وف همس الوردة النشوانة .. بسمع سيرتك 
وأتشوقلك .. أتزوقلك 
وف قمر الليل أسمع مواويل بتقولي مفيش إلا انت يا جميل 
والدنيا وجمالها الصافي .. والحب وكلامه الدافي 
قربني معاك للجنة .. ده انا أملي رضاك وأتمنى
 نتعاتب .. عاتبني .. نتحاسب .. حاسبني 
وان كنت مخاصمني تعالى .. تعالى وقولي تعالى تعالى وقولي 
أصالحك بإيه 

مستحيل يبقي ما بيني وبين حبيبي في يوم خصام 
مستحيل تبعدنا عن بعضينا قسوة أو ملام 
ياللي حبك .. لون الورد ف خدودي 
ياللي عطفك .. شدني وفتح ورودي 
فين حنانك ؟ فين رضاك ؟ ياللي نوري من ضياك 
قلبي طير عشه ف سماك
نتعاتب .. عاتبني نتحاسب .. حاسبني 
وان كنت مخاصمني تعالى .. تعالى وقولي تعالى تعالى وقولي 
أصالحك بإيه .. بإيه 

كلمات: محمد زكي الملاح
الحان: محمد علي سليمان