اعلان

لو تعرفوا - اصالة

لـو تعـرفـوا بنحبـكـم 
ونعزكـم كـده قد إيــه
لتقـدروا حتـى التـراب 
اللـي بنمشيلكـم علـيـه


الحب لـه أحـوال كتيـر 
وحبكـم أغلـى بكتـيـر
لأن ده الـحـب الكبـيـر 
اللي ما فيهش ازاى وليـه
لو تعرفوا ...

يا زينـة الدنيـا لينـا 
يـا أغلى من الروح والعيـون
بنقولكم مـن قلبنـا 
لـو كنا ورد انتـوا الغصـون
لو كنا ليل أنتوا الصباح 
لو كنا طيـر أنتـوا الجنـاح
وأنتم عوضنا عن اللي راح 
وعن اللي مش ممكن يكون

لـو تعـرفـوا بنحبـكـم 
ونعزكـم كـده قد إيــه
لتقـدروا حتـى التـراب 

اللـي بنمشيلكـم علـيـه

أنتـم لينـا كـل الحيـاة
 والدنيا والنـاس والوجـود
يا حب ما بنعـرف مـداه 
علشان ملوش أبدا حـدود
ومهمـا حنقـول أو نعيـد 
حنبقى مش بنقـول جديـد
ده حبكم ما عليـه مزيـد 
واضح ما يحتاجش لشهـود

ما توصوناش علـى حبكـم 
لانـه دايمـاً فـى قلبنـا
وقــد مــا بيهمـكـم 
اكتـر كـمـان بيهمـنـا
بنحس بيكم فـي الغيـاب 
ونخطي بيكم ع العـذاب
لو قفلوا بينا الف باب 
برده الهوا بيضمنـا

لـو تعـرفـوا بنحبـكـم 
ونعزكـم كـده قد إيــه
لتقـدروا حتـى التـراب
اللـي بنمشيلكـم علـيـه

Share this

شاركشارك