كل ليلة وكل يوم - ام كلثوم
كل ليله وكل يوم
أسهر لبكره في انتظارك يا حبيبي
فكري طول الليل في ليلك
والنهار كله في نهارك يا حبيبي
يا ترى يا واحشني بتفكر في مين
عامل ايه الشوق معاك .. عامل ايه فيك الحنين
سهرت السهر في عينيا .. صحيت المواجع فيا
كل ساعة وكل ليله وكل يوم
بعد ما اطمن عليك .. حيجيني نوم يا حبيبي
قوللي إيه حلو في حياتي .. وانت غايب عن عينيا
السهاد أنا فيه ليلاتي والبعاد طول عليا
يا حبيبي أنا من كتر اللي قاسيته وداريته عليك
مش بصدق .. اني اتحمل في يوم
فرحة لقا عيني بعينيك
يا ترى يا واحشني بتفكر في مين
عامل ايه الشوق معاك .. عامل ايه فيك الحنين
سهرت السهر في عينيا .. صحيت المواجع فيا
كل ساعة وكل ليله وكل يوم
بعد ما اطمن عليك حيجيني نوم يا حبيبي
كل نار تصبح رماد مهما تقيد
إلا نار الشوق يوم عن يوم تزيد
ابعتلي قوللي انت فين لو تقدر
بستنى منك كلمتين مش أكتر
يطمنوني حبهْ عليك وع المحبة
يا ترى يا واحشني بتفكر في مين
عامل إيه الشوق معاك .. عامل إيه فيك الحنين
سهرت السهر في عينيا صحيت المواجع فيا
كل ساعة وكل ليله وكل يوم
بعد ما اطمن عليك .. حيجيني نوم يا حبيبي
كان قربك هنا وحنية وليالي جميله هنية
طار بي الأمل بجناحه ولمست النجوم بايديا
وفي بعدك يا عيني عليا الدنيا بقت مش هي
وح افضل كده يا حبيبي استنى الليالي الجاية
يا ترى يا واحشني بتفكر في مين
عامل ايه الشوق معاك .. عامل ايه فيك الحنين
سهرت السهر في عينيا .. صحيت المواجع فيا
كل ساعة وكل ليله وكل يوم
بعد ما اطمن عليك حيجيني نوم يا حبيبي
كلمات: مأمون الشناوى
الحان: بليغ حمدى