اي دمعة حزن لا - عبد الحليم حافظ
أي دمعة حزن لا لا .. أي جرح فى قلب لا لا
أي لحظة حيرة لا لا .. حتى نار الغيرة لا لا
عايشين سنين أحلام .. دايبين فى أحلى كلام
لا عرفنا لحظة ندم .. و لا خوف من الأيام
و قلبى دق دق دق
قلت مين على البيبان دق
قاللي افتح ده الزمان .. قلتله يا قلبى لأ
جي ليه يا زمان .. بعد ايه يا زمان
من كام سنة قلبى و أنا
عايشين هنا من كام سنة
من كام سنة دنيا الهنا
بتضمنا من كام سنة
و قال ايه جاي الزمان يداوينا
من ايه جي يا زمان تداوينا
دا الأمل فى عينينا .. و الفرح حوالينا
سأل الزمان و قال .. ايه غير الأحوال
قلناله حبينا .. و ارتحنا و نسينا
الجرح بتاع زمان
احنا احنا احنا اللي امنا للزمان احنا
احنا احنا اللي خد منا الأمان و جرحنا
و احنا اللى طاوعناه احنا
و عمره فى يوم ما ريحنا
ولا ملامة علينا لا ملامة
دا احنا تعبنا و دوبنا ياما
و أما نادينا عليه يداوينا
عمره ما فكر فى يوم يجينا
و أدينا عايشين و بقينا عاشقين
لا جراح فى قلوب و لادمع حزين
و لما دق الحب بابنا .. الربيع نور شبابنا
وقال ايه جي الزمان الزمان يداوينا
من ايه جي يا زمان تداوينا
دا الأمل فى عينينا و الفرح حوالينا
سأل الزمان و قال ايه غير الأحوال
قلنا له حبينا .. و ارتحنا و نسينا
الجرح بتاع زمان
وفى ليلة مش ناسيها .. سهران الفرح فيها
جاني الزمان و معاه هدية فرحت بيها حبيبي الأولانى
سافرت كتير معاه .. بأحلامى فى هواه
سقيته من حنانى .. و بنيت معاه أماني
و قلت يا ريت يا دنيا .. تدينى عمر تاني
و صحيت على العذاب .. لقيت الفرح غاب
و الحب يا عينى داب .. أتاري الزمان كداب
وقدرت يا زمان .. فى رحلة النسيان
أنسى اللى كان و أرتاح .. و أبعد عن الأحزان
شوف يا قلبى .. شوف الدنيا يا قلبى
حلوة ازاى بالحب يا قلبي .. بالحب يا قلبى
عمرك شفت قمر سهران .. غير للعشاق
و لا نجمة جايبة كلام .. غير للمشتاق
كل العاشقين زينا عايشين
لا جراح فى قلوب و لادمع حزين
وقال ايه جي الزمان يداوينا
من ايه جي يا زمان تداوينا
دا الأمل فى عينينا و الفرح حوالينا
سأل الزمان و قال ايه غير الأحوال
قلنا له حبينا .. و ارتحنا و نسينا
الجرح بتاع زمان
كلمات :محمد حمزه
الحان : بليغ حمدى